Charter Document - 04830029
| Charter Number: | 04830029 |
|---|---|
| Cartulary Title: | Cartulaire de Saint-Thomas d'Épernon et de Notre-Dame de Maintenon |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1221 |
| Date type: | Internal, A.D. |
| Resource Link(s): |
|
Charter:
Universis presens scriptum casu quolibet inspecturis ego Symon de Villa Nova miles notum facio quod Symon dictus Furnerius comparavit octo arpenta terre a Galerano de Stagno et sex a Garino Foriart que vocantur de Brocis de Villa Nova que fuerunt defuncti Symonis de Stagno tali modo quod de assensu spontaneo et voluntate propria Ysabellis uxoris mee et Johannis filii mei primogeniti ac aliorum liberorum meorum dedi et concessi dicto Symoni supradicta arpenta que dicti Galeranus et Garinus a me pro quatuor decimo solidis censualibus possidebant sibi et heredibus suis vel illi quibus ipse Symon aut heredes sub terram illam voluerint vendere aut conferre pro duodecim denariis censualibus in festo beati Remigii annuatim per solvendis quiete et libere absque aliqua exactionis consuetudine in perpetuum possidenda Quod ut memoriter firmiterque tencatur presentes litteras ad petitionem dictorum Galeranni Garini et Symonis sigilli mei munimine feci confirmari Datum anno domini MCCXXI mense aprilis