Charter Document - 04830027
| Charter Number: | 04830027 |
|---|---|
| Cartulary Title: | Cartulaire de Saint-Thomas d'Épernon et de Notre-Dame de Maintenon |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1221 |
| Date type: | Internal, A.D. |
| Resource Link(s): |
|
Charter:
Ego Bartholomeus decanus Sparnonensis universis presens scriptum inspecturis notum facio quod Simo Fornerius assensu et voluntate uxoris sue Hermengardis vendidit absolute domui Sancti Thome de Sparnone terram de Broceis de Villa Nova quam tenebat de domino Simone de Villa Nova pro duodecim denarios censuales et idem Simon assensu et voluntate uxoris sue Isabel et Johannis primogeniti filii sui et omnium aliorum puerorum eandem censivam in elemosina dedit domui predicte et ne forte uxor dicti Simonis Fornerii super has terras per dotalicium aliquid possit de cetero reclamare [] Si forte aliquis super hanc terram domum predictam vexare voluerit ipsa tenetur per fidem quod secundum posse suum salvis suis expensis illam dicte domui garantizabit Et illud firmiter de cetero teneatur ego decanus predictus ad petitionem utriusque partis presentem paginam sigilli mei munimine confirmavi Actum anno gracie MCC vicesimo primo