Charter Document - 04830021
| Charter Number: | 04830021 |
|---|---|
| Cartulary Title: | Cartulaire de Saint-Thomas d'Épernon et de Notre-Dame de Maintenon |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1210 |
| Date type: | Internal, A.D., Calendar |
| Resource Link(s): |
|
Charter:
J Sancti Germani de pratis et J Sancte Genovefe Dei gracia abbas et G decanus Sancti Germani Autisiodorensis Parisiensis universis presentem paginam inspecturis perpetuam in Domino salutem Cum ex delegatione domini pape Innocentii tercii de causa que vertebatur inter ecclesiam beati Thome Sparnonensis ex una parte et Simonem clericum personam ecclesie de Hermerai ex altera super decimis novalium nemoris de Gola cognoscemus lite coram nobis super possessione decimarum illorum novalium legitime contestata cum tam super principali quam super incidentibus questionibus in presentia nostra esset diutius altercatum tandem nobis mediantibus et ad hoc modis omnibus partes inducentibus inter G priorem Sparnonensem in causa illa procuratorem a Gaufrido abbate et Conventu Majoris Monasterii taliter constitutum quod quicquid idem prior judicio vel compositione fecisset ratum et firmum in perpetuum haberetur et predictum Simonem fide hinc inde prestita talis compositio intercessit quod predictus Simon decimas illorum novalium tam presentium quam futurorum predicte ecclesie beati Thome in perpetuum omnino quitavit litteras etiam Carnotensis Episcopi quibus decime ille concesse et confirmate predicto Simoni videbantur in manibus nostris ad opus predicte ecclesie beati Thome fecimus resignari Predictus vero prior propter hoc unum modium annone in granchia de Hermerai singulis annis quamdiu aliquid decime ex novalibus illis habebitur cum aliis tribus modiis duobus scilicet annone et uno avene pro aliis decimis sibi assignatis percipiendum cum tercia parte minutarum decimarum Ville de Gola dicto Simoni et ejus successoribus liberaliter concessit Cum ergo composicionem hujus modi utrique ecclesie credamus non modicum expedire de bonorum virorum et juris peritorum consilio auctoritate apostolica qua fungimur in hac parte ipsam duximus confirmandam cartulam istam super hoc de partium voluntate compositam sigillorum nostrorum munimine roborantes Actum anno gracie MCC decimo quinto Kl julii