Charter Document - 04830019
| Charter Number: | 04830019 |
|---|---|
| Cartulary Title: | Cartulaire de Saint-Thomas d'Épernon et de Notre-Dame de Maintenon |
| Charter Language: | Latin |
| Charter Origin: | Religious |
| Charter Type(s): | Composition |
| Date: | 1194 - 1217 |
| Date type: | Assigned |
| Resource Link(s): |
|
Charter:
Nos fratres Columbensis monasterii et ego T humilis eorum minister notum fieri volumus omnibus qui presentes istas litteras viderint vel audierint quod compositio facta fuit inter nos et monachos Majoris Monasterii de Sparnone tempore Gaufredi prioris ejusdem domus Super minutis decimis propriorum animalium que nos habemus vel habituri sumus in granchia nostra de Roseto que sita est in parrochia de Proueiis videlicet ut annuatim in nativitate beati Johannis reddamus pro decimis istis monachis de Sparnone xii denarios Carnotensis monete et vi sacerdoti de Proueiis Quam compositionem coram nobis recitatam nos concedimus et ratam habemus et sigillo capituli nostri ob custodiam pariter et memoriam communivimus