Charter Document - 04830015
| Charter Number: | 04830015 |
|---|---|
| Cartulary Title: | Cartulaire de Saint-Thomas d'Épernon et de Notre-Dame de Maintenon |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1209 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Ego Simon comes Leucestrensis et dominus Montisfortis omnibus notum facimus quod controversia versa inter monachos Parlonenses et Matheum de Pampool super quodam prato sito in cauda cujusdam stagni eorumdem monachorum predictus Matheus eisdem monachis Sancti Tome Parnonensis in presentia nostra supradictum pratum assensu Guillelmi fratris sui militis et aliorum fratrum suorum quitavit et dedit in elemosinam tali conditione quod prenominati monachi possint sine aliqua contradictione predicti Mathei vel aliorum ad eum pertinentium stratam supradicti stagni ad eorum libitum sublimare Quod ut ratum sit et inconcussum sigillo nostro confirmavimus Hujus rei isti sunt testes ex parte monachorum G tunc temporis prior ejusdem loci Simon prior de Mistenon Johannes cellarius Nivelo puer de Gaseran Ex alia parte Garinus d'Escrones Odo de Hadencort Magister Haalardus Anno ab incarnatione Domini MCCVIIII