Charter Document - 04830009
| Charter Number: | 04830009 |
|---|---|
| Cartulary Title: | Cartulaire de Saint-Thomas d'Épernon et de Notre-Dame de Maintenon |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1207 |
| Date type: | Assigned |
| Resource Link(s): |
|
Charter:
Sciant omnes presentes et futuri quod ego S Montefortis acensivi stallos de Sparnone burgensibus ejusdem ville pro xii denarios reddendos annuatim in die festi Sancti Johannis Baptiste Et si forte aliquis voluerit facere alios stallos illud idem servicium et eumdem censum quem alii dederunt predicto S redderet Et si ita esset quod non haberent ubi possent facere predictus S precio aliorum ubi poterint rationabiliter facere eis assignaret Et ita est quam crescente populo ejusdem ville non licebit alicui majus premium de stallis suis accipere quam modo Et ut hoc habeatur firmum assersu uxoris mee A et fratris mei G impressione sigilli mei corroborare volui Actum publice apud Molendinellos astantibus hiis M de Montmorence S de Gazeren S Golloheim H de Bertelcout P Cardinali et D pellipario R de Stallis S Baligan O Capellano et aliis quam pluribus P Ernout et Willelmo fratre suo R de Carnoto G de Carnoto H Billoun H Paelede