Charter Document - 04820108

En l'an de grâce mil deus cens lxxxvii ou mois de juing le diemenche d'après la Trenité Comme contanz fust entre le Roi de une part et le chapitre de Monseigneur Saint Cepire de Corbueil de androit de la haute joustice de Soisi suz Escole en la terre dudit chapitre ouquel li diz chapitres disoit qu'il estoit de si lont temps com nul mémoire est de joustiser tous les cas de haute joustise et de basse qui estoient avenues en la terre dudit chapitre à Soisi et pour ce qu'il estoient en la seisinne devant dite avoient il asené au biens feu Eimenjart la Bourjonne famme Guillot Bourrjon laquelle estoit bastarde et n'avoit nul heir de son cors et ceste joustise et ceste aubane li Rois leur contredisoit et disoit qu'elle estoit seue l'enqueste feite et la vérité seue la gent le Roi c'est asavoir les prevous de Meleun rendirent la seisinne des biens à la dite bastarde audit chaspistre au temps monseigneur Denyse de Paroy chevalier baillis de Senz Les nons des prévoz Gautier de Aubigni et Estienne desus l'yaue li serjant qui firent cette resésine de par les diz prévoz Gilet le Bet Jehannot le Gaulier et Jehannot Cocigni Et fu feste l'an de grâce desuz dit A la seisine desus dite furent présenz sire Hugues le Bourgoignon mestre Pierre de Villers mestre Girart de Bourroi chanoines de la dite yglise monseigneur Jehan de Monfleur chapelein de la dite yglise sire Jehan Corcos bourjois de Corbueil Tierri le meire de Balencourt Pierre Poustiau maire [de] Soisi Jehan le Gentil Renaut Barré Odin Barré Perrot Jocelin Jehan Gatinnois Henri Pichon Jehan Quarré Phélippot Quarré Jehannot le Peletier Oudin le Porchier Jehannot Mile Adam Coustance Perrot Lenglois Jehannot Cossart touz de Ballencourt Item de Chevanes Renaut Beradole Renaut Guillin Jehan Cossart Estienne Dubois Item Climant fiulz Heimeri Le Tanneur Simonnet fiulz feu Symon Menier de Sainttri Colin fiulz Richart Cain Ansiau de Saint Quantin Girart au Bouclier Renaut le Norment Jehan le Maçon Jehannot Paquier de Bourroi lesquiex demeurent à Corbueil Item après Soisi Jehan Soisi Jehan L'Ogre Adam Chevriau Jehan Briche Phelippe Balant Richart Poitevin Renaut Poucin Renaut Joustart Renaut le Fèvre Renaut le Vachier Estienne Croupedde Jehan Paouan Jehannot L'Ogre le jeune Jehannot le fiulz Robert d'Enfer Jehannot Marnier Hernou Lerous Herbert le fiulz Adam Sidole Hernou le fiulz Jehan Vallate Chelart Loranz Guillemin Estienne Lerous Pierre L'Ogre Jehannot fiulz Corneite Hernoulet fiulz au Remoncel Guillaume Bacheler Thibaut L'Ogre Jehannot Chidole Jehan Gilemer Guillaume Bacheler Jehan Pichart Renaut Cordouan Guilleaume Troullart Estienne Duchemin Jehan Chavan Simon Briche