Charter Document - 04820030
| Charter Number: | 04820030 |
|---|---|
| Cartulary Title: | Cartulaire de Saint-Spire de Corbeil |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1196 |
| Date type: | Internal |
| Resource Link(s): |
|
Charter:
Adela Dei gracia Francorum regina tam ad presencium quam ad futurorum noticiam volumus devenire quod [cum] Hugo Clemens Beati Exuperii abbas Corboliensis in presencia nostra constitutus primam prebendam que in memorata ecclesia Beati Exuperii vacaret ipsi ecclesie amore Dei concessisset cujus prebende fructus in usus ornamentorum altaris et in fabrice ecclesie reparacionem in perpetuum essent expendendi et paucorum dierum elapso curriculo Guillelmo cantore et canonico ejusdem ecclesie viam universe carnis ingresso prebendam illam vacare contigisset et inde ecclesia per manum Odonis Clementis vices dicti abbatis gerentis fuisset investita venerunt ad nos canonici Sancti Exuperii humiliter deprecantesut donum et investituram de prebenda vacante factam concederemus Nos aulem pias canonicorum preces et ecclesie necessitatem attendentes prefatum donum et investituram benigne annuimus et sigilli nostri auctoritate confirmamus Actum apud Fossam Mauram anno ab Incarnacione Domini millesimo centesimo nonagesimo sexto Data per manum Roberti Capellani nostri