Charter Document - 04820025

Henricus frater illustris Ludovici Dei gratia Francorum regis et ducis Aquitanorum et Dei permissione abbas regalium abbatiarum omnibus Christi fidelibus tam posteris quam presentibus in perpetuum Jam ad multorum devenit notitiam quod illustris memorie pater meus Dei gratia rex Francorum Ludovicus Beati Victoris ecclesiam de pulvere paupertatis erexit eamque canonicorum regularium ordine insignitam abbatiam instituit cui etiam juxta regalem munificentiam plurima beneficia contulit et in augmentum vere dilectionis quosdam de filiis suis fratribus nostris cum ex hac vita decederent in eadem religionis domo sepeliri mandavit Ego itaque videns plantationem patris mei de die in diem proficere et religionis non solum flores sed eciam uberrimos fructus afferre et jam per multitudine fratrum ea eciam que pater large contulerat eis non posse sufficere necessarium duxi de his bonis que in sancta ecclesia divina bonitas mihi concesserat eisdem fratribus ad sustentationem ipsorum aliquid impertiri Proinde noverint universi et presentes et posteri quod predictis canonicis Beati Victoris ob remedium anime mee et majorum meorum in ecclesia Sancti Exuperii de Corbolio prebendam unam assensu canonicorum ejusdem ecclesie donavi et in perpetuum habere concessi Nec illud latere volumus quod huic dono predictus frater meus rex non solum assensum prebuit sed etiam ut hoc faceremus et voluit et rogavit Quod ne valeat []