Charter Document - 04811203
| Charter Number: | 04811203 |
|---|---|
| Cartulary Title: | Cartulaire de Notre-Dame de Chartres |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1212 |
| Date type: | Internal, A.D. |
| Resource Link(s): |
|
Charter:
R[aginaldus] Dei gracia episcopus et Adam capicerius Carnotensis omnibus presentibus et futuris salutem in Domino Ad universorum noticiam volumus pervenire quod nos de voluntate et assensu sacristarum ecclesie Carnotensis redditus eorumdem ad donationem et institutionem nostram pertinentes obligamus ad faciendum per manus eorum servitium unius cerei quantitatis et ponderis aliorum desuper altare beate Marie constitutorum in perpetuum arsuri de nocte et de die cum aliis ante capsam in remedium et salutem anime viri nobilis domini Galteri Juvenis regis Francie chamerarii et predecessorum suorum qui ducentas libras parisienses propter hoc in elemosinam ecclesie Carnotensi contulit ad presentes sacristarum redditus ampliandos Quod ut firmum et stabile permaneat patentium testimonio litterarum et nostrorum sigillorum munimine roboramus Actum Carnoti anno gracie MCC undecimo mense februario