Charter Document - 04810395
| Charter Number: | 04810395 |
|---|---|
| Cartulary Title: | Cartulaire de Notre-Dame de Chartres |
| Charter Language: | Latin |
| Charter Origin: | Religious |
| Charter Type(s): | Testimony |
| Date: | 1391 |
| Date type: | Internal, A.D. |
| Resource Link(s): |
|
Charter:
In nomine Domini amen Noverint universi et singuli presentes pariter et futuri quod anno a Nativitate Domini millesimo trecentesimo nonagesimo indictione tercia decima et die lune decima mensis januarii reverendus in Christo pater et dominus dominus Johannes Faber permissione divina Carnotensis episcopus suam ultimam voluntatem fecit condidit et ordinavit in hunc modum In nomine Domini amen Quoniam propter delictum primi parentis humani generis successio est mortalis et transitoria ad heredes plerumque non cogitantes diem extremum sibi necessario venturum morte temporali mundanali prosperitate falluntur qui dum plus credunt vivere in hujusmodi fallacibus deliciis repentino mortis eventu de medio subtrahuntur Quod cogitantes videntesque et sapientes ego Johannes Fabri quondam monachus professus monasterii Sancti Vedasti Attrebatensis ordinis Sancti Benedicti nunc divina permittente gratia Carnotensis episcopus de bonis meis mobilibus sic volo et ordino Primo quod omnes libri qui pro tempore obitus mei penes me quocumque loco reperientur monasterio predicto Sancti Vedasti tradantur de quorum proprietate est pars major et alteram partem eis dono a qua donatione excipio missale breviaria et pontificalia que sunt ad usus Carnotenses quos libros volo fore successoris mei episcopi Carnotensis Mitram gemmatam per Regem Ludovicum tunc ducem Andegavensem michi donatam mitram brodatam titulo reparacionum per Johannem de Podio michi traditam baculum pastoralem gallice dictum croce per me emptum do et lego episcopatui Carnotensi ut successor meus quicumque fuerit suo tempore pociatur illis suis successoribus relicturus Idem volo fieri de tunicis et dalmaticis sirotecis et sandaliis Anulum meum pontificalem cum lapide saphiro quem fieri feci do et lego monasterio Sancti Vedasti predicto ad opus abbatis qui pro tempore fuerit et suorum successorum una cum anulo rubino sive balay qui reperietur inter alios anulos meos Acta fuerunt hec Avinione in hostellaria Cervelherie in carreria dicta de la Bouquerie