Charter Document - 04810376
| Charter Number: | 04810376 |
|---|---|
| Cartulary Title: | Cartulaire de Notre-Dame de Chartres |
| Charter Language: | Latin |
| Charter Origin: | Religious |
| Charter Type(s): | Quittance |
| Date: | 1285 |
| Date type: | Internal, A.D., Feast |
| Resource Link(s): |
|
Charter:
Omnibus presentes litteras inspecturis officialis Senonensis in Domino salutem Notum facimus quod in nostra presentia constitutus magister Jacobus de Vallibus clericus advocatus in curia Senonensi asserens venerabiles viros ac dominos suos decanum et Capitulum ecclesie Carnotensis decem libras turonenses annue pensionis pro ipsorum causis et negociis in curia Senonensi ab ipso magistro Jacobo promovendis et sustinendis eidem magistro Jacobo promisisse prout in litteris eorumdem decani et Capituli plenius asseruit contineri Recognovit idem magister Jacobus se recepisse ab iisdem decano et Capitulo decem libras turonenses sibi debitas ut dicebat anno nuper preterito videlicet anno Domini MCC octogesimo quarto ab eisdem decano et Capitulo ex causa predicta Datum die veneris ante festum sancti Marci Evangeliste anno Domini MCC octogesimo quinto