Charter Document - 04810361
| Charter Number: | 04810361 |
|---|---|
| Cartulary Title: | Cartulaire de Notre-Dame de Chartres |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1277 |
| Date type: | Internal, A.D. |
| Resource Link(s): |
|
Charter:
Philippus Dei gratia Francorum rex Notum facimus universis tam presentibus quam futuris quod cum juxta ordinationem felicis recordationis carissimi patrui et fidelis nostri Alfonsi comitis Pictaviensis et Tholosani executores sui testamenti decreverint assignari ecclesie Beate Marie Carnotensi viginti libras turonenses annui redditus pro quadam capellania in dicta ecclesia instituenda in qua capellanus ipsius qui pro tempore fuerit cotidie celebrabit pro anima dicti comitis nisi legitimo fuerit impedimento detentus nos ipsius patrui nostri piam ordinacionem cupientes salubriter adimpleri volumus et precipimus ut quicumque fuerit prepositus de Yenvilla dictas viginti libras turonenses annui redditus medietatem scilicet in termino Ascensionis Domini et aliam medietatem in termino Omnium Sanctorum capellano dicte capellanie qui pro tempore fuerit reddat et sine difficultate persolvat annuatim nullo alio mandato super hoc expectato Quod ut ratum et stabile permaneat in futurum presentibus litteris nostrum fecimus apponi sigillum Actum Parisiis anno Domini millesimo ducentesimo septuagesimo septimo mense aprili