Charter Document - 04810357
| Charter Number: | 04810357 |
|---|---|
| Cartulary Title: | Cartulaire de Notre-Dame de Chartres |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1274 |
| Date type: | Internal, A.D., Feast |
| Resource Link(s): |
|
Charter:
Universis presentes litteras inspecturis G[uillelmus] decanus et universitas Capituli Carnotensis salutem in Domino Noveritis quod nos volumus et concedimus reverendo patri P[etro] Dei gracia Carnotensi episcopo et ejus successoribus quod ipsi et eorum officiales per se vel mandatum suum possent ponere scalas suas extra portam suam in claustro ad muros domus portarii sui ad ecclesiam beati Nicholai et ad muros domus clausure sue a revestiario nostro usque ad cuneum murorum clausure predicte contigue posterne claustri dum tamen non impediatur per hoc introitus ecclesie antedicte et in dictis scalis ponere seu poni facere perjuros et alios prisionarios suos per se vel mandatum suum per claustrum ducere et reducere libere et quiete quocienscumque sibi viderint expedire In cujus rei testimonium et munimen presentes litteras dicto domino episcopo dedimus sigillo Capituli nostri sigillatas Datum anno Domini MCCLXX quarto die jovis post Quasimodo