Charter Document - 04810320
| Charter Number: | 04810320 |
|---|---|
| Cartulary Title: | Cartulaire de Notre-Dame de Chartres |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1256 |
| Date type: | Internal, Calendar, Papal |
| Resource Link(s): |
|
Charter:
Alexander episcopus servus servorum Dei dilectis filiis decano et Capitulo Carnotensi salutem et apostolicam benedictionem Solet annuere sedes apostolica piis votis et honestis potentium precibus favorem benivolum impartiri Eapropter dilecti in Domino filii vestris justis postulationibus grato concurrentes assensu ut in parrociis illis in quibus veteres decimas percipitis novalium quoque decimas de quibus aliquis hactenus non percepit pro ea portione qua veteres vos contingunt percipere valeatis auctoritate vobis presentium indulgemus cum illi qui de laboribus terre parrochiarum decimas percipiunt de novalibus eas exigere satis possint Nulli ergo omnino hominum liceat Datum Laterani xi kalendas junii pontificatus nostri anno secundo