Charter Document - 04810307
| Charter Number: | 04810307 |
|---|---|
| Cartulary Title: | Cartulaire de Notre-Dame de Chartres |
| Charter Language: | Latin |
| Charter Origin: | Religious |
| Charter Type(s): | Purchase |
| Date: | 1252 |
| Date type: | Internal, A.D. |
| Resource Link(s): |
|
Charter:
Universis presentes litteras inspecturis M[atheus] miseratione divina Carnotensis episcopus salutem in Domino Noverit universitas vestra quod nos paupertatem ecclesie et canonicorum Beati Georgii de Vindocino et aliorum beneficiatorum in eadem ecclesia considerantes volumus et concedimus quod canonici ejusdem ecclesie et alii beneficiati in eadem nobis vel successoribus nostris semel in anno tantum centum solidos turonenses pro procuratione reddere teneantur cum ad dictam ecclesiam causa visitandi accedere nos continget nec nos seu successores nostri ab eis amplius pro dicta procuratione petere valeamus In cujus rei testimonium et munimen dictis canonicis et aliis beneficiatis presentes litteras dedimus sigilli nostri munimine roboratas Datum anno Domini millesimo ducentesimo quinquagesimo secundo mense augusto