Charter Document - 04810306
| Charter Number: | 04810306 |
|---|---|
| Cartulary Title: | Cartulaire de Notre-Dame de Chartres |
| Charter Language: | Latin |
| Charter Origin: | Religious |
| Charter Type(s): | Acknowledgment |
| Date: | 1252 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis Matheus vicedominus Carnotensis miles salutem in Domino Noverint universi quod cum ego pluries requisissem reverendum patrem M[atheum] Dei gratia episcopum Carnotensem ut me de omni hereditate que ad me ex morte mee karissime matris devenerat et poterat devenisse et movebat de feodo domini episcopi seisiret et in hominem ligium reciperet tandem idem dominus episcopus habita super hoc diligenti deliberatione me de tota dicta hereditate seisivit et de ea me in suum hominem ligium recepit salvo omni jure ejus et ejus successorum salvo etiam jure nobilis viri Guillelmi fratris mei primogeniti militis si vivat et salvo etiam omni alieno jure Et ego antequam dominus episcopus me reciperet in hominem suum tactis sacrosanctis euvangeliis juravi coram ipso episcopo quod ego dicto fratri meo si contingeret redire de partibus transmarinis fructus et proventus quos contingerit me medio tempore percipere et levare de dicta hereditate pro parte dicti fratris mei restituam dicto fratri meo deductis tamen legitimis expensis pro dicta hereditate custodienda et debitis que contigerit me solvere pro dicto Guillelmo que probare potero me solvisse De quibus omnibus et singulis a me tenendis et observandis Adam dominus de Galardone Johannes de Leugis Guillelmus de Foilleto Guido de Ruppeforti Philippus de Vova Hemericus dictus Chenart Johannes de Bellovillari Petrus dictus Dyoviller Johannes de Augerivillari Symon de Houvilla et Hemericus de Mesleio milites et Philippus frater meus armiger se fide sua fidejussores pro me ad meam requisitionem erga dominum episcopum constituerunt ita scilicet quod si contigerit me venire seu attemptare venire per me vel per alium contra premissa vel aliquid de premissis dicti fidejussores per se vel per unum militem unusquisque eorum tenebunt infra quindecim dies postquam super hoc a domino episcopo vel ejus mandato seu ejus successore fuerint requisiti prisionem Carnotensem donec contigerit me premissa adimplere prout superius sunt expressa Quos fidejussores ego per fidem meam promitto liberare a dicta fidejussione et eos quantum ad hoc pertinet servare indempnes In cujus rei testimonium et munimen ego dedi dicto domino episcopo presentes litteras sigillo meo sigillatas Datum anno Domini millesimo ducentesimo quinquagesimo secundo mense aprili