Charter Document - 04810274
| Charter Number: | 04810274 |
|---|---|
| Cartulary Title: | Cartulaire de Notre-Dame de Chartres |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1232 |
| Date type: | Internal, A.D. |
| Resource Link(s): |
|
Charter:
Universis presentes litteras inspecturis Hugo decanus et universitas Capituli Carnotensis salutem in omnium Salvatore Ad uniuscujusque noticiam scripto presenti volumus pervenire quod nos die lune proxima post festum sancti Remigii tractu habito diligenti ad meliorationem servicii nostre ecclesie et profectum ordinavimus solemniter in capitulo et concordi statuimus voluntate quod nummi de vino decime nostre ad communes usus Capituli pertinentes in usum cederent et augmentum matutinalium officiorum hoc adjecto quod canonici qui interfuerint majoribus Matutinis et non permanserint ad matutinalia officia beate Marie pariterque fidelium defunctorum quandocumque contigerit illa vel eorum alterum post majores Matutinas in ecclesia celebrari parte careant tercia partis sue de stipendiis ad matutina alia officia pro tempore deputatis Quod ut ratum et stabile perseveret presentes litteras inde notari fecimus et sigilli nostri caractere roborari Actum die predicta anno incarnati Verbi MCCXXX secundo