Charter Document - 04810255
| Charter Number: | 04810255 |
|---|---|
| Cartulary Title: | Cartulaire de Notre-Dame de Chartres |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1226 |
| Date type: | Internal, A.D. |
| Resource Link(s): |
|
Charter:
Ego Milo dominus Noeriorum notum facio omnibus presentes litteras inspecturis quod ego dedi et concessi Deo et ecclesie Beate Marie Carnotensi in perpetuam elemosinam viginti solidos turonenses annui redditur percipiendos in censibus meis de Noeriis ita videlicet quod de dictis viginti solidis fient octo cerei et expendentur super majus altare ante sacrum scrinium beate Marie per mandatum ebdomadarii presbyteri in hunc modum videlicet in Annunciatione beate Virginis duo cerei de quinque solidis in Assumptione ejusdem duo cerei de quinque solidis in Nativitate ejusdem duo cerei de quinque solidis Et notandum quod per singulos annos in Annunciatione beate Marie jamdictos viginti solidos propriis sumptibus et expensis ego vel successor meus dominus Noeriorum quicumque sit ille mittere tenemur apud Carnotum Actum anno gracie MCCXX quinto mense marcio