Charter Document - 04810174
| Charter Number: | 04810174 |
|---|---|
| Cartulary Title: | Cartulaire de Notre-Dame de Chartres |
| Charter Language: | Latin |
| Charter Origin: | Lay |
| Charter Type(s): | Quittance |
| Date: | 1206 |
| Date type: | Internal, A.D. |
| Resource Link(s): |
|
Charter:
Villelmus decanus et universitas Capituli Carnotensis omnibus ad quos littere iste pervenerint in Domino salutem Ad universorum noticiam pervenire volumus quod nos considerato et audito tenore litterarum venerabilis patris nostri R[aginaldi] episcopi Carnotensis super quitatione majorie de Baigneaus et de Basochiis et aliis que Herbertus quondam major dictorum locorum ei et ejus successoribus episcopis Carnotensibus in perpetuum quitavit et hiis etiam que dictus episcopus eidem Herberto et ipsius heredibus in recompensatione dicte quitationis dedit in perpetuum et concessit sicut in litteris episcopi memorati plenius continetur approbamus et quantum in nobis est sigilli nostri karactere facto cyrographo eidem Herberto confirmamus Datum anno ab incarnatione Domini MCC sexto mense decembri