Charter Document - 04810159
| Charter Number: | 04810159 |
|---|---|
| Cartulary Title: | Cartulaire de Notre-Dame de Chartres |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1202 |
| Date type: | Internal, A.D. |
| Resource Link(s): |
|
Charter:
Ego Matildis Perticensis comitissa notum facio presentibus et futuris quod ego ecclesie Beate Marie Carnotensis lx solidos andegavensis monete pro anniversario meo et lx solidos ejusdem monete pro anniversario Gaufridi olim mariti mei venerabilis comitis Perticensis annuatim in eadem ecclesia celebrandis concedo et assigno in redditibus de Marchesvilla ab eodem marito meo et a me communiter acquisitis annuatim in festo Purificationis beate Marie percipiendos Thoma filio nostro hoc concedente et Stephano de Pertico fratre predicti mariti mei assensum prebente Quod ut ratum permaneat presens scriptum sigilli mei feci munimine roborari Actum in capitulo Carnotensi residente Raginaldo Carnotensi episcopo et multis aliis astantibus anno gratie MCCII mense junio