Charter Document - 04810157
| Charter Number: | 04810157 |
|---|---|
| Cartulary Title: | Cartulaire de Notre-Dame de Chartres |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1202 |
| Date type: | Internal, A.D. |
| Resource Link(s): |
|
Charter:
Gervasius dominus Castelli Novi omnibus ad quos littere iste pervenerint salutem Noverint universi scriptum presens inspecturi quod ego pro anniversario meo annuatim in Carnotensi ecclesia celebrando ejusdem ecclesie Capitulo quadraginta solidos carnotensis monete de redditu in perpetuum tribuo et concedo assignans eos in pedagio de Castello Novo annuatim percipiendos et in die obitus mei Carnoti reddendos laudantibus hoc et concedentibus Margarita uxore mea et filiis meis Hugone scilicet et Herveo Quod ut ratum et inconcussum permaneat appositione sigilli mei feci presentem paginam roborari Actum sollempniter in capitulo Carnotensi anno incarnati Verbi millesimo ducentesimo secundo mense maio