Charter Document - 04810156
| Charter Number: | 04810156 |
|---|---|
| Cartulary Title: | Cartulaire de Notre-Dame de Chartres |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1202 |
| Date type: | Internal, A.D. |
| Resource Link(s): |
|
Charter:
Ego Gervasius dominus Castri Novi presenti carta notum facio Christi fidelibus universis quod cum esset contentio inter me et Capitulum Carnotense super quadam portione nemorum de Torceio et eorumdem nemorum metis tandem pro bono pacis et scandalo sedando cognoscens eciam quod portio nemorum que in contentionem devenerat ad jus dicti Capituli pertineat ab antiquo portionem illam usque ad rivulum qui boscos Grenolle a nemoribus de Torceio dividebat et dividet in futurum memorato Capitulo libere et quiete possidenda concessi contentioni renuncians absolute Hoc etiam concessit presentialiter in capitulo Carnotensi Hugo filius meus primogenitus et quia dicebat se non habere sigillum voluit ut litteris meis ejus concessio firmaretur Quod ut ratum permaneat et immotum feci presentem paginam adnotari et sigilli mei munimine roborari Actum anno gracie MCCII mense maio