Charter Document - 04800132
| Charter Number: | 04800132 |
|---|---|
| Cartulary Title: | Cartulaire de Notre-Dame de Chartres |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1195 |
| Date type: | Internal, A.D. |
| Resource Link(s): |
|
Charter:
[Milo] comes de Barro et dominus de Puteaco omnibus ad quos littere iste pervenerint salutem in Christo salutis auctore Notum fieri volumus universis litteras istas inspecturis quod nos dedimus et in servili conditione in eternum habendum concessimus Carnotensi ecclesie Beate Marie virginis et ejusdem Capitulo unum servorum nostrorum Galterium de Gillenivilla et heredes ejus pro pace reformanda inter predictum Capitulum et Hugonem Harenc inter quos processerat disceptatio Hec autem donatio facta est assensu ipsius Galterii in nullo contradicentis Quod ut ratum et firmum in posterum permaneat scripti attestatione presentis et sigilli nostri munimine confirmamus Actum anno gracie MCXCV