Charter Document - 04800127
| Charter Number: | 04800127 |
|---|---|
| Cartulary Title: | Cartulaire de Notre-Dame de Chartres |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1195 |
| Date type: | Internal, Calendar, Papal |
| Resource Link(s): |
Cartulaires d'Île-de-France |
Charter:
Celestinus episcopus servus servorum Dei dilectis filiis Decano et Capitulo Carnotensi salutem et apostolicam benedictionem Justis petentium desideriis dignum est nos facilem prebere consensum et vota que a rationis tramite non discordant effectu prosequente complere Eapropter dilecti in Domino filii vestris justis postulationibus grato concurrentes assensu auctoritate vobis presentium indulgemus ut nullus vos vel aliquem vestrum ad judicium pertrahat seculare nisi ratione feodi vel alterius secularis cujuslibet possessionis super aliquo quod ad eam pertineat aliqua causa vertatur vel aliquis a vobis coram judice seculari conventus in ejusdem presentia exceptiones quas contra vos proposuerit voluerit comprobare Statuentes ut si aliquis contra hanc apostolice sedis indulgentiam venire presumpserit licitum vobis sit in ipsum ecclesiastice districtionis sententiam appellatione postposita promulgare Nulli igitur omnino hominum liceat [] Datum Laterani xiii kalendas julii pontificatus nostri anno quinto