Charter Document - 04800124
| Charter Number: | 04800124 |
|---|---|
| Cartulary Title: | Cartulaire de Notre-Dame de Chartres |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1195 |
| Date type: | Internal, Calendar, Papal |
| Resource Link(s): |
Cartulaires d'Île-de-France |
Charter:
Celestinus episcopus servus servorum Dei dilectis filiis Decano et Capitulo Carnotensi salutem et apostolicam benedictionem Curam debemus sollicitam et studium modis omnibus adhibere ut privilegia et libertates que a nobis et predecessoribus nostris rationabiliter Dei ecclesiis conceduntur in sua semper consistere valeant firmitate et ne cujuslibet temeritatis incursu possint infringi auctoritate nobis concessa studiosius imminet precavendum Quocirca presentium auctoritate districtius inhibemus ne aliquis archiepiscopus episcopus vel alia quelibet persona contra privilegia vobis ab apostolica sede indulta presumat aliquid attemptare per quod vobis vel ecclesie vestre prejudicium in aliquo generetur quod si forte facere presumpserit illud decernimus fore vacuum penitus et inane nisi mandatum super hoc apostolicum habeatur expressum Nulli ergo omnino hominum liceat [] Datum Laterani iiii nonas junii pontificatus nostri anno quinto