Charter Document - 04800115
| Charter Number: | 04800115 |
|---|---|
| Cartulary Title: | Cartulaire de Notre-Dame de Chartres |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1190 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Raginaldus Dei gracia Carnotensis episcopus omnibus ad quos littere iste pervenerint salutem in Domino Cum in voto haberemus et summo desiderio Carnotensi ecclesie que nos licet indignos et insufficientes tanto honori ad sui regimen evocavit redditus providere de quibus nostrum posset anniversarium sollempniter celebrari via Iherosolimitana et temporis angustia nostrum propositum impedivit Verum quod ad presens possumus illud tantillulum eidem ecclesie boni concedimus quod habemus in manibus et donamus Capitulo perpetuo possidendum capellam etenim Sanctorum Sergii et Bachi in curia domorum episcoporum sitam in ea libertate et immunitate qua eam possidebamus concedimus Capitulo Carnotensi jure plenario possidendam perpetuo gracias eis uberes exsolventes quod firmiter promiserunt se propter hoc patris mei et matris et comitis Henrici et nostrum cum decesserimus anniversaria annis singulis celebraturos Statuimus autem ut nullus contra hanc concessionis nostre paginam venire audeat quod si quis presumpserit divini subjaceat ultioni Quod ut firmum habeatur et ratum tam scripto quam sigillo nostro fecimus communiri Data anno gracie MCXC mense julio