Charter Document - 04800111
| Charter Number: | 04800111 |
|---|---|
| Cartulary Title: | Cartulaire de Notre-Dame de Chartres |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1188 - 1190 |
| Date type: | Assigned |
| Resource Link(s): |
|
Charter:
Ego Theobaldus Blesensis comes Francie senescallus notum facio universis tam presentibus quam futuris Hugonem de Galardone totam viariam quam ipse et antecessores sui in terra Beate Marie Carnotensis ab antiquo possederant in elemosinam pro anima sua et animabus antecessorum suorum ecclesie Carnotensi in perpetuum concessisse ad censum quindecim librarum annuatim ad terminos definitos persolvendarum videlicet ad Pasche centum solidos ad festum sancti Petriad Vincula c solidos ad festum Omnium Sanctorum c solidos Quam elemosinam quantum attinet ad meum feodum tam ad instantiam precum domini Galeranni predicti Hugonis nepotis et successoris tam quia pia et religiosa esse dinoscitur gratam et ratam habeo et ne de cetero aliqua occasione in irritum possit reduci vel temporum diuturnitate a memoria elabi litteris presentibus commendo et sigilli mei impressione in perpetuum permansuram confirmo