Charter Document - 04800110
| Charter Number: | 04800110 |
|---|---|
| Cartulary Title: | Cartulaire de Notre-Dame de Chartres |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1188 |
| Date type: | Assigned |
| Resource Link(s): |
Cartulaires d'Île-de-France |
Charter:
R[otrodus] comes Pertici omnibus ad quos littere iste pervenerint salutem in Domino Noverit universitas vestra quod nos intuitu pietatis et misericordie et reverentie quam venerabili matri nostre Carnotensi ecclesie tenemur exhibere contulimus in honorem beate Virginis et constituimus in eadem ecclesia unum cereum aute capsam in qua reposita est beatissime Virginis veneranda Camisia perpetuo ardentem assignantes ad hoc decem libras carnotensis monete in prepositura de Nogento singulis annis a preposito qui erit pro tempore Carnoti matriculariis Carnotensis ecclesie persolvendas centum videlicet solidos in festo Dedicationis predicte ecclesie et centum solidos in dominica illa qua cantatur Letare Jerusalem Ad peticionem igitur nostram venerabilis pater et dominus Raginaldus episcopus et Capitulum Carnotense concesserunt et instituerunt quod si aliquis de heredibus vel successoribus nostris quod absit hanc nostram donationem impediret tam personam ejus excommunicationi quam nostram subicerent interdicto donec eisdem matriculariis esset integre satisfactum qui in predicto luminari tenebuntur interim providere