Charter Document - 04800108
| Charter Number: | 04800108 |
|---|---|
| Cartulary Title: | Cartulaire de Notre-Dame de Chartres |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1187 - 1188 |
| Date type: | Internal, A.D., Calendar |
| Resource Link(s): |
Cartulaires d'Île-de-France |
Charter:
G[aufridus] decanus et universitas Capituli Carnotensis et Robertus comes Drocensis omnibus ad quos littere iste pervenerint in Domino salutem Noverint universi tam presentes quam futuri quod inter nos et comitem Robertum super mansione de Firmecort cum adjacentibus sibi officinis de communi assensu limitata et terra quadam que est inter fossata de Firmecort et Mosterellium que omnia et pater ejus et iste injuste occupaverat amodo a nobis tenebit cum pratis ejusdem ville ad decaniam pertinentibus in hunc modum pacis convenimus Predictus siquidem comes pro pace et amore ecclesie Carnotensis et ad recognitionem predictorum que omnia a nobis tenet nichil amplius de nostris occupaturus annuatim in festo sancti Remigii quinquaginta solidos drocensis monete in prepositura sua nobis assignavit aut procuratori nostro libere persolvendos et tam presens prepositus quam quicumque et quotiens ei in prepositura successerint fidelitatem nobis faciet de predictis denariis prefixo termino persolvendis Quod si prefatus prepositus predictos denarios prefixo termino solvere noluerit vel distulerit comes vel successor ejus nobis tenebitur ejus supplere defectum Nos autem requisiti ab eodem comite ei concessimus ut in predicta terra que est inter fossata Firmecurie et Mosterellium capellam edificet prior autem qui pro tempore eidem capelle prefuerit de justiciis nostris fideliter observandis nobis fidelitatem faciet Actum est hoc Carnoti in capitulo ecclesie Carnotensis anno gratie MCLXXXVII pridie nonas februarii astantibus istis G[aufrido] decano Richerio cantore Willelmo succentore G[isleberto] camerario vices etiam G[isleberti] subdecani supplente Raherio preposito magistro Lamberto Gaufrido de Hibreio Milo de Garne G[auterio] de Booleto C[rispino] Drocensi H[ugone] de Galardon Petro capellano predicti comitis Girardo de Fornivaut Petro de Maceriis et aliis multis Quod ut ratum et firmum inviolabiliter in posterum observetur presentem paginam sigillorum nostrorum munimine precepimus roborari