Charter Document - 04800097
Charter Number: | 04800097 |
---|---|
Cartulary Title: | Cartulaire de Notre-Dame de Chartres |
Charter Language: | Latin |
Charter Origin: | Religious |
Charter Type(s): | Presentation |
Date: | 1180 - 1183 |
Date type: | Assigned |
Resource Link(s): |
|
Charter:
Petrus Dei gracia Carnotensis ecclesie minister humilis dilecto filio Galterio Carnotensis ecclesie capicerio salutem in Domino Ex multorum relatione veraciter didicimus quod presentatio presbyterorum extra chorum vel in Cryptis altaribus desservientium ad jus et officium tuum pertinet excepto presbytero altaris Sancti Johannis quem decanus ponere consuevit Similiter et sacriste cum alter alterius loco sive clericus sive laicus substituitur presentationem et ministerium tuum totum agi debet Volentes ergo jus tuum et successoribus tuis capiceriis illibatum et inconcussum conservari predicta cum stallis que in porticibus ecclesie et infra ecclesiam continentur et cum tercia parte denariorum de Pentecoste tibi presentis scripti attestatione et sigilli nostri auctoritate confirmamus