Charter Document - 04800092
| Charter Number: | 04800092 |
|---|---|
| Cartulary Title: | Cartulaire de Notre-Dame de Chartres |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1179 |
| Date type: | Assigned |
| Resource Link(s): |
|
Charter:
Alexander episcopus servus servorum Dei venerabili fratri J[ohanni] episcopo et dilectis filiis decano et Capitulo Carnotensi salutem et apostolicam benedictionem Cum ab eo cui plus committitur amplius exigatur dignum est et consonum rationi ut qui in ecclesia vestra pre aliis honorantur studiosius illi deserviant et utilitatibus ipsius intendant Hac itaque ratione inducti auctoritate duximus apostolica statuendum ut honores Carnotensis ecclesie aliis de cetero minime concedantur nisi qui secundum antiquam et rationabilem consuetudinem residentiam se promiserint habituros Si autem post promissionem suam hec nequaquam impleverint ab ipsis reddantur honoribus alieni Ad hec auctoritate apostolica inhibemus ne quis de aliena diocesi in canonicum ecclesie vestre aut plebanum presbiterum admittatur nisi prius a proprio fuerit episcopo absolutus Decernimus ergo [] Datum Tusculani x kalendas februarii