Charter Document - 04800087
| Charter Number: | 04800087 |
|---|---|
| Cartulary Title: | Cartulaire de Notre-Dame de Chartres |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1173 |
| Date type: | Internal, A.D., Papal |
| Resource Link(s): |
|
Charter:
Alexander episcopus servus servorum Dei dilectis filiis Gaufrido decano et canonicis Carnotensis ecclesie tam presentibus quam futuris canonice substituendis in perpetuum Ideo sumus quamquam immeriti ad universalis ecclesie regimen superna providentia deputati ut pro singularum ecclesiarum statu sollicitudine debeamus pastorali satagere et eas contra pravorum incursus apostolice tuitionis patrocinio communire ne malignorum incursibus exponantur si ad eorum defensionem apostolice sollicitudinis providentia minus diligens fuerit vel remissa Eapropter dilecti in Domino filii considerato fervore devotionis vestre quam circa nos et Romanam ecclesiam geritis vestris justis postulationibus clementer annuimus et ecclesiam vestram in qua estis divino obsequio mancipati sub beati Petri et nostra protectione suscipimus et presentis scripti privilegio communimus statuentes ut quascumque possessiones quecumque bona eadem ecclesia in presentiarum juste et canonice possidet aut in futurum concessione pontificum largitione regum vel principum oblatione fidelium seu aliis justis modis prestante Domino poterit adipisci firma vobis vestrisque successoribus et illibata permaneant In quibus hec propriis duximus exprimenda vocabulis Gualdum Sancti Stephani et ecclesiam et omnes decimas ejusdem Gualdi villamque que dicitur Disconfectura cum ecclesia ibidem constituta ecclesiam de Fontanella ecclesiam de Boferi ecclesiam de Poli cum capellis et omnibus ad eas pertinentibus et decimis Carnoti ecclesiam Sancti Saturnini cum omnibus pertinentiis suis ecclesiam Sancti Leodegarii de Alberiis sicut a Willelmo Senonensi archiepiscopo apostolice sedis legato curam et administrationem Carnotensis ecclesie gerente libera et absoluta ab omni jurisdictione archidiaconi Capitulo in perpetuum donata est et concessa Milone archidiacono in cujus erat archidiaconatu conniventiam et assensum prebente preposituram de Alvers preposituram de Unigradu preposituram de Masengi preposituram de Normannia cum hominibus villis territoriis ecclesiis capellis decimis et terragiis et aliis consuetudinibus et libertatibus et omnibus ad easdem preposituras pertinentibus Ad hec presenti decreto sancimus et auctoritate apostolica arctius prohibemus ne quis in civitate vestra vel suburbiis sibi contiguis absque auctoritate et assensu episcopi vestri et vestro ecclesiam capellam oratorium vel cymiterium construere audeat salva apostolice sedis auctoritate Insuper etiam nichilominus districte presenti pagina prohibemus ne alicui liceat parrochianos Carnotensis ecclesie excommunicatos vel nominatim interdictos pre vobis ad divina officia aut ad sepulturam recipere vel eis absque satisfactione congrua absolutionis beneficium indulgere Libertates quoque seu immunitates sive a romanis pontificibus sive ab episcopis vestris vel etiam a regibus et principibus vobis et ecclesie vestre indultas et antiquas et rationabiles consuetudines ipsius ecclesie confirmamus et eas decernimus obtinere perpetuam firmitatem Decernimus ergo [] [Datum Anagnie per manum Gratiani sancte romane ecclesie subdiaconi et notarii v idus septembris indictione vi ab incarnatione Domini anno MCLXXIII pontificatus vero domini Alexandri pape iii anno xiv]