Charter Document - 04800085

Quum nonnullas rerum gestarum propter scriptorum inopiam oblivione non dubium est aboleri magnis ac sapientibus viris visum est que in suis gesta temporibus in subsecuturis etiam vellent inconcussa manere litterarum assignatione posteris relinquendo ab oblivionis interitu defendere Hanc igitur providentiam approbantes ego Gaufridus decanus et universitas Capituli Carnotensis non solum presentium sed et posterorum noticie scribendo tradere curavimus qualiter terminata fuerit controversia que super campiparte et decima guesdiorum Ebrardiville orta erat inter venerabilem fratrem nostrum Almauricum precentorem ecclesie nostre tunc temporis predicte precarie procuratorem et Ansoldum ejusdem ville prepositum In curia siquidem incliti regis Anglorum Henrici apud Montem Fortem a ministris ejusdem curie firmiter definitum est et a prefato Ansoldo et filiis ejus fide interposita confirmatum quod idem Ansoldus et ejus heres de campiparte et decima guesdiorum Ebrardiville quartam solummodo partem a ministro procuratoris Carnotensis ecclesie singulis annis accipiet reliquas vero tres partes ecclesie nostre procurator in integrum habebit tali scilicet tenore ut duobus vel tribus milibus guesdiorum collectis si Ansoldo vel heredi suo placuerit suam quartam partem accipiat et itidem quartam partem cum totum fuerit collectum Deinde sepedictus Ansoldus et Beatrix uxor ejus et filii ejus Robertus et Gaufridus et Almauricus in capitulum nostrum venerunt et rem ita ut dictum est in curia regia apud Montem Fortem actam esse recognoverunt atque concesserunt Insuper Ansoldus et duo filii ejus Robertus et Gaufridus eandem rem se firmiter observaturos esse juraverunt Acta sunt hec anno incarnationis Dominice MC septuagesimo primo Que ut rata et stabilia permanerent presentis cyrographi testimonio et auctoritate sigilli Beate Marie placuit roborari