Charter Document - 04800083

G[aufridus] Beate Marie Carnotensis decanus et universitas Capituli Carnotensis omnibus ad quos littere iste pervenerint in Domino salutem Que acta sunt scripto placuit commendare ut qui ea viderint et legerint memoriter teneant et eadem prolata in medium omnem litis materiam in futurum decidant Sciant itaque universi tam presentes quam futuri quod Matheus de Rufin decimam de Busseto quam particulariter a Terrico Havart et a fratre ejus Garino presbytero et exinde a Willelmo majore de Vilemout et Gilone fratre ejusdem Willelmi libere et pacifice acquisitam diu possederat et tenuerat pie recordationis affectu Capitulo Beate Marie Carnotensis liberam et integram prout eandem habuerat in elemosynam erogavit existente plegio immunitatis Radulfo de Booleto sub cujus garentia predicta decima continetur Petronilla de Rennencort sorore prefati Mathei idipsum plegiante et concedente utpote sub cujus etiam tutela garantie decima esse comprobatur Qui in signum libere immunitatis et benigne concessionis altare beate Marie propriis manibus humiliter tetigerunt Ut autem concessioni huic firmiter obligarentur et ne hujus compositionis in futurum possent subterfugere veritati in rei memoriam unicuique predictorum Radulfi scilicet et Petronille vi nummi singulis annis distribuentur qui a die Jovis Absoluti usque ad completas ferias Pasche in perpetuum persolventur Ex parte Capituli hii testes extiterunt G[aufridus] decanus G[islebertus] subdecanus Willelmus succentor Gislebertus camerarius Vincentius comitis prepositus Robertus de Campis Willelmus Champelin Goslenus major de Magneriis Raginaldus major de Moncellis Fulcherius major de Amiliaco Ex parte domni Mathei hii testes adfuerunt Hugo de Fai Radulfus de Orfin