Charter Document - 04800077

Alexander episcopus servus servorum Dei dilectis filiis decano et canonicis Carnotensibus salutem et apostolicam benedictionem Sicut scriptum est quod qui Evangelium annuntiat de Evangelio vivat et qui altario deservit de altario participet sic etiam ex eisdem potest manifeste perpendi quod qui altario non deservit ejus non debet beneficiis participare Inde siquidem est quod nos ecclesiam vestram que inter minores regni Francorum computari non solet debitis obsequiis defraudari nolentes auctoritate apostolica duximus statuendum ut qui in eadem ecclesia vestra de cetero canonizandi fuerint et ibidem mansionarii non extiterint xx solidos tantum de prebenda sua singulis annis percipiant nec a vobis vel ab ecclesia prescripta magis exigere vel recipere possint dummodo in ipsius ecclesie obsequis sicut et mansionarii faciunt assidue noluerint permanere Datum Beneventi ii nonas aprilis