Charter Document - 04800068
| Charter Number: | 04800068 |
|---|---|
| Cartulary Title: | Cartulaire de Notre-Dame de Chartres |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1160 |
| Date type: | Assigned |
| Resource Link(s): |
|
Charter:
Universis tam presentibus quam futuris notum sit quod Arnoldus qui ecclesie Bonevallensis minister exstitit domno Gaufrido Carnotensi episcopo quandam vendidit terrulam juxta prata ejusdem episcopi constitutam Quod factum domnus Godescallus postea concessit qui favente Deo post Arnaldum pastoralem in eadem ecclesia dignitatem obtinuit Hoc etiam universus ejusdem cenobii conventus approbavit scriptoque confirmavit scilicet ut eandem terram domnus Gaufridus Carnotensis episcopus in perpetuum liberam possideat et absque calumpnia quicquid aliud sibi placuerit de eadem terra faciat