Charter Document - 04800054
| Charter Number: | 04800054 |
|---|---|
| Cartulary Title: | Cartulaire de Notre-Dame de Chartres |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1148 |
| Date type: | Assigned |
| Resource Link(s): |
Cartulaires d'Île-de-France |
Charter:
Ego Gaufridus Dei gratia Carnotensis episcopus notum fieri volo presentibus et futuris quod plateam quamdam in claustro Beate Marie sitam quam Alburgis mater Willelmi cerarii ecclesie Sancti Sergii in elemosinam dederat ego et Gaufridus presbiter Sancti Sergii Roscelino famulo meo ita donavimus ut libere et quiete eam possidere donare aut vendere et quicquid inde sibi placuerit facere possit Hanc autem donationem tali tenore fecimus ut idem Roscelimus quandiu eam possederit et quicumque post eum eam habuerit singulis annis ecclesie Sancti Sergii sextarium olei ad usum luminis in festivitate sancti Nicolai persolvat Hoc donum concessit domnus Goslenus de Leugis frater meus ad quem census ejusdem platee pertinere dinoscitur Quod ut certius credatur et firmius teneatur has litteras inde fieri et sigilli mei testimonio corroborari precepi Huic rei interfuerunt Robertus decanus Goslinus archidiaconus Robertus archidiaconus Gaufridus prepositus Johannes canonicus Beate Marie Gauterius Blesensis canonicus Hugo Berengarii Guido de Crechis Remigius diaconus Willelmus de Novigento domnus Goslenus de Leugis Goslinus de Meresvilla Guerricus Osculans Demonium Willelmus Burgundus Mainerius Tarenna Bussellus Gaufridus de Bosco Hunoldi Giraldus Eschanz Ernaudus frater predicti Roscelini Giroldus