Charter Document - 04800053
| Charter Number: | 04800053 |
|---|---|
| Cartulary Title: | Cartulaire de Notre-Dame de Chartres |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1142 |
| Date type: | Internal, A.D., Regnal |
| Resource Link(s): |
Cartulaires d'Île-de-France |
Charter:
In nomine sancte et individue Trinitatis Ego Ludowicus Dei gratia rex Francorum et dux Aquitanorum notum fieri volumus quod villam episcopi Carnotensis que Basoche nominatur in nostra custodia et protectione eustodimus et illam pravam et injustam consuetudinem quam Villana et ejus filii videlicet Willelmus Potardi et Albertus et Rodbertus et Petrus et Hugo in eadem villa reclamabant in nostra presentia penitus dimiserunt dicentes nobis in publico et manifeste recognoscentes quod in villa prenominata et in ejus territorio de rebus episcopi Carnotensis et hospitum qui ibidem commorabantur injuste et per rapinam multociens habuerunt Nobis igitur presentibus predicte persone omnes de illa rapina et maleficio nullam excusationem pretendentes et suam culpam nullatenus defendentes in manu Reginaldi cantoris ecclesie Carnotensis condignam satisfactionem fecerunt asserentes quidem et pro certo promittentes quod in prefata villa nichil deinceps reclamarent sed ejus libertatem quam in presentia nostra promiserunt pro posse suo in nostra curia et alibi custodirent et defenderent Quod ut perpetue stabilitatis obtineat munimentum scripto commendari nostrique sigilli auctoritate muniri atque nominis nostri subter inscripto karactere coroborari precepimus Actum publice Aurelianis anno MCXLII regni vero nostri vi astantibus in palatio nostro quorum nomina subtitulata sunt et signa Signum Radulfi Viromandorum comitis dapiferi nostri Signum Willelmi buticularii Signum Mathei camerarii Signum Mathei constabularii Data per manum Cadurci cancellarii