Charter Document - 04800046
| Charter Number: | 04800046 |
|---|---|
| Cartulary Title: | Cartulaire de Notre-Dame de Chartres |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1131 - 1141 |
| Date type: | Assigned |
| Resource Link(s): |
Cartulaires d'Île-de-France |
Charter:
Ego Gaufridus Dei gracia Carnotensis episcopus apostolice sedis legatus omnibus Dei fidelibus ad quorum noticiam presens cartula producetur notum fieri volo quod Ricardus major de Campo Serico spontaneus veniens in capitulum sancte Carnotensis ecclesie me presente et multis personis et canonicis ejusdem ecclesie necnon et laicis quam plurimis quorum nomina subscripta sunt dedit et concessit in perpetuum absque penitus omni calumpnia deinceps et reclamatione omnes integre pastus de majoria Campi Serici Quidam frater ejusdem ecclesie nostre qui hoc donum fecerat prelocutus dominus Zacharias decanus ipsius ecclesie dedit predicto majori viginti septem libras carnotensium pro predicto dono et pastus supradicte majorie omnes cum sua integritate assensu nostro et tocius Capituli nostri dedit et concessit disposuit et assignavit specialiter usui illorum canonicorum qui ad matutinas surgerent et misse dominice celebrationi interessent et preter canonicos unicuique clericorum qui in septimana paschali ad matutinas surgerent et misse dominice celebrationi et vesperis interessent nummum unum disposuit Tum vero nos peticioni tam clericorum nostrorum quam predicti majoris postulantium ut donum istud auctoritate nostra confirmaremus annuentes eo ordine quo prolocutum et factum fuit ante nos ipsum donum scripto mandavimus et auctoritate nostra confirmavimus et sigilli nostri impressione munivimus et presenti carte cum sigillo nostro sigillum beatissime virginis Marie assentiente et postulante Capitulo sancte ecclesie nostre annecti precepimus Si qua vero quod absit []