Charter Document - 04800035

Quoniam multociens contingit quod ea que presentialiter aguntur per longa temporum curricula velociter per manum oblivionis subtrahuntur virorum memoria decreverunt sollertes viri prediti scientia ut quod in presentiarum tractatur per eorum consilia tam posteris quam presentibus reduceret ad memoriam scripte sedule noticia Unde ego Guarinus sanctorum martirum Sergii et Bachi et sancti Nicholai humilis presbiter consilio personarum Carnotensis ecclesie ad memoriam tam posterorum quam presentium scripto mandare decrevi hoc quod Mainardus Rufus frater Unfredi presbiteri de Loolvilla pro remedio anime sue et animarum omnium parentum suorum ad honorem Dei et sanctorum martirum Sergii et Bachi et piissimi Nicholai confessoris iiii solidos de censu emit de quodam homine Legerio nomine uxore illius Adelina concedente ad hoc scilicet ut de illo censu annuatim emeretur oleum lampadarum ecclesie predictorum martirum et sancti Nicholai Hic autem census de feodo Ilberti cognomine Ira Dei erat quem Legerius homo ejus de illo tenebat Sed iste Legerius pro compassione cujusdam necessitatis domini sui Ilberti concessione ipsius et filii ejus Roberti Beate Marie canonici et filiarum ejus Adelidis et Stephanie ad opus servitii supradictorum martirum et sancti Nicholai Mainardo Rufo hunc censum vendidit Hoc autem ipse Legerius et uxor ejus Adelina atque Ilbertus eorum dominus per fidem domino Gauterio archidiacono jussu Mainardi Rufi promiserunt quod si aliquis hujus census vendicionem calumpniari vellet ipsi eam ab omni calumpnia quietam redderent Quod cum in presentia domini Ivonis Carnotensis episcopi et personarum ecclesie Beate Marie domini scilicet Gauterii Carnotensis archidiaconi et Angerii presbyteri atque archidiaconi Blesensis et Raimbaldi Vindocinensis archidiaconi et multorum circumstantium quorum nomina subscripta sunt pactum fuisset et Mainardus Ilberto pro concessionis memoria xii denarios dedisset et filio ejus Roberto puero vi et unicuique filiarum illius vi et uxori Legerii tres solidos tradidisset cum Ilberto et filiis ejus et cum Legerio et uxore ejus et cum aliis qui cederant venit jamdictus Mainardus in ecclesiam predictorum martirum et cum cutello quem Ilberto et filiis et Legerio et uxori ejus manu sua tradidit posuerunt donum census super altare martirum quem cutellum supradictus Guarinus presbyter ad memoriam concessionis retinuit Postea vero Ilbertus in domo domni Raimbaldi Vindocinensis archidiaconi ipso presente et domno Seiranno preposito sicut ipse prescriptam venditionem adversus omnes se ratam tenere per fidem promiserat ita fratrem suum Guillelmum videlicet de Fraxineto fideijussorem Guarino presbitero dedit et suprascripte venditionis concessionem ratam fore Guillelmus ibi per fidem Guarino presbitero promisit Ut autem pretaxate pactionis scedula firmior haberetur ad veritatis testimonium subscripta sunt nomina testium Hugo Blesensis presbiter et Beate Marie canonicus Radulfus diaconus Teobaldi filius et Beate Marie canonicus qui de censu prescripto duos solidos debet Guinebertus major qui debet inde xii denarios Odo buclarius qui similiter debet inde xii denarios Gauterius episcopi dapifer Herveus episcopi marescaldus Ugo Morini filius episcopi pincerna Robertus Retticulatus episcopi pincerna Andreas et Rispaudus episcopi cubicularii Droco Juvenis nepos episcopi parens episcopi Buterius Hulduinus Juvenis major de Luceio Arroldus episcopi serviens Hugo frater Rispaudi et quamplures alii Facta est autem hec cartula anno ab incarnatione Domini MCXIIII ordinationis vero domini Paschalis pape xvi atque ordinationis domini Ivonis Carnotensis episcopi xxv regnante rege Gallie Ludovico regis Philippi filio