Charter Document - 04800033

In nomine sancte et individue Trinitatis Patris et Filii et Spiritus sancti Ego Ivo Dei gratia Carnotensis humilis episcopus notum fieri volo cunctis sancte ecclesie fidelibus tam presentibus quam futuris quia canonici ecclesie michi commisse meam adeuntes presentiam clamorem et querimoniam fecerunt de prepositis suis videlicet Milone Hugone Hainrico aliisque qui privatis commodis inhiantes communem fratrum utilitatem in quibuscumque poterant minuebant et quasdam res eis jure debitas per injuriam sibi retinebant pauperes ecclesie sub eorum patrocinio constitutos diversis calamitatibus afficiebant et seve rapacitati inservientes exigebant ab eis nummos annonam oves agnos anseres gallinas et habebant medietates cum rusticis ecclesie quod non licet et mittebant servientes suos cum equis per preposituras qui querebant annonam a rusticis sicut et domini et faciebant sibi parari sepe ingentia prandia tam prepositi quam servientes sine licentia Capituli leta capiebant et de hominibus ecclesie relevationem terrarum de conjugandis feminis venditiones et plurima carritia faciebant quod non licet exceptis duobus presbiteros in ecclesiis ponebant sine licentia Capituli capiebant homines ecclesie et verberabant eos et in carceres mittebant sine jussione Capituli de arietibus accipiebant plus quam duodecim nummos de porcis plus quam duos solidos quod non licet mittebant etiam alios servientes sine equis qui exigebant a rusticis annonam et alia plura faciebant etiam plura que sui juris esse diratiocinari non poterant et ut tantis injuriis finem imponerem multimodis supplicationibus postulabant Quorum petitioni assensum prebere quia rationabilis erat dignum judicans cupiensque eorum providere quieti volensque ut eorum murmuratio cessaret odium sopiretur peccatum expelleretur pax et quies pauperibus ecclesie restitueretur consilio optimatum nostrorum decrevimus canonicos justam habere causam et precipimus ne in rusticis ecclesie prepositi deinceps has exactiones haberent nec ulterius communem in supradictis utilitatem minuerent [Concessimus etiam quod beneficia ecclesie que precarie dicuntur et facte erant prenarie quia quod omnium erat quatuor vendebant in communes redigerentur usus sic scilicet Capella et ad eam pertinentia villa que dicitur Cathenas et ad eam pertinentia Tuetvilla cum appenditiis Dionvillare cum decima terra capicerii de Fontanis terra de Calniaco et Casis junioratus omnes villa que dicitur Landelle et ad eam pertinentia molendini novi de Ferrariis molendini de Britiniaco et Iei Capella Vindocinensis ecclesia de Carannivilla terra de Monte Oduini et de Afrancvilla [] omnia que censum vel annonam reddunt] Si quis autem quod nolumus ad damnum canonicorum hoc in pejus mutare presumpserit et non resipuerit maledictus atque excommunicatus permaneat et cum eis qui in fine mundi audituri sunt ite maledicti in ignem eternum qui preparatus est diabolo et angelis ejus porcionem et societatem habeat Ut autem hec concessio firmiorem per futura tempora optineret vigorem et a successoribus nostris verius certiusque crederetur et diligentius observaretur has litteras fieri jussi et manu propria firmavi et fideles nostros firmare feci quorum nomina subtus tenentur adscripta + Signum Ivonis episcopi