Charter Document - 04800015
| Charter Number: | 04800015 |
|---|---|
| Cartulary Title: | Cartulaire de Notre-Dame de Chartres |
| Charter Language: | Latin |
| Charter Origin: | Royal |
| Charter Type(s): | Vidimus |
| Date: | 1049 - 1060 |
| Date type: | Assigned |
| Resource Link(s): |
Cartulaires d'Île-de-France |
Charter:
Notum perpetuitate istius carte fieri volumus fidelibus universis et maxime successoribus nostris quod domnus Albertus Majoris Monasterii abbas vice omnium sub ejus regimine Deo servientium monacorum petiit a venerando ecclesie Carnotensis episcopo nomine Aguoberto et ab honorabili sancte Dei genitricis clero uti aliquam suarum eis concederent prebendarum desiderantibus in Beate Marie congregatione censeri et tante ecclesie canonicis federari Quod illi gratanter amplectantes a minimo usque ad maximum libero animo concesserunt gratulantes et ipsorum monachorum societatem adipisci et oracionibus participare [] Ut autem hoc pactum stabile fieret et indissolubile regis francorum Henrici nomine confirmatum est Signum Henrici regis Gaufridi comitis filii comitis Britannorum Rainaldi camerarii regis Ebraldi de Putheolo Yvonis filii Yvonis comitis Guillelmi de Calniaco Ricardi regis capellani Guillelmi capellani Rainaldi custodis capelle regis Gualterii filii Renaldi de Britannia Vualterii Rufi Guidonis filii Guillelmi Fulberti nepotis episcopi Alberti Marvillerii Roberti de Vindocino Bernardi nepotis episcopi Agoberti episcopi Hugonis decani Arnulphi cantoris Fulcherii archidiaconi Yvonis de Curbavilla Johannis medici Hugonis filii vicedomini Herberti nepotis Alberti abbatis Hugonis filii Huberti de Firmitate