Charter Document - 04800013

In nomine summi et eterni regis domini Jesu Christi omnium redemptoris Rotbertus gratia Dei Francorum rex Dum nostrum fidelium justis peticionibus aurem pii favoris accommodamus regie dignitatis officium exercemus Noverit itaque sancte Dei ecclesie fidelium sollertia et palatinorum simul industria qualiter ad majestatis nostre mansuetudinem supplex accessit noster a secretis Manasses comes postulans ut auctoritatis regie precepto quoddam opus misericordie scribi et firmari annueremus quod ille gloriose virgini Marie genitrici Dei ecclesie scilicet Carnotensi ex alodis suis conferre disposuerat Cujus salubri desiderio nequaquam contraire sed satisfacere gratanter elegimus Est autem ipse alodus de quo supradictam elemosinam facere constituit in Drocassino comitatu duobus ab ipso castro miliariis distans nomine Ulmellis Hunc ergo cum omnibus appendiciis suis quorum hec sunt nomina Campus Silve Briessartus Roserorus Firmaticortis et totum hoc quod de dominici villa pertinet ad illum alodum Manasses comes supramemoratus condonat Sancte Marie Carnotensis ecclesie canonicorum stipendiis ea ratione ut quamdiu vixerit in suos illum usus teneat sed mater ecclesia jamdicta in bona vestitura habeat sibi de capite alodi quod est Ulmellis unum incolam et de singulis quibusque appendiciis ejus prescriptis similiter unum incolam Illa vero omnia que sibi de his retinuit nullomodo occupabit neque de sua manu foras mittet neque per dotem neque per beneficium quin totum ad ecclesiam jamscriptam revertatur etiam in vita sua si Deus illi hanc voluntatem augendi suam elemosinam concesserit post suum vero decessum totus ex integro alodus cum omnibus sibi appendentibus excepta illa terra quam tenet Amalricus de Monteforti sicut ille Manasses comes tenet solidum et quietum similiter in usus canonicorum Carnotensis ecclesie deveniat Ut autem opus hoc pietatis et ejusdem operis noticia permaneant undique stabiliora manu mea illam firmavi et conjunx mea Constantia regina et filii mei Henricus et Rotbertus ipse denique Manasses comes cujus est hec elemosina et frater ejus Hilduinus comes cum filiis suis Hilduino et Manasse necnon et proceres palatii Ego vero sigilli nostri impressione signari mandavi ut si quis illud attaminare presumpserit tanquam reus majestatis qui capiti meo injuriam intulerit auri libras xxx sancte Dei genitrici Marie coactus persolvat et sua presumptio cassa in perpetuum remaneat Propter hanc autem elemosinam Manasses comes qui eam perficit et antecessores ejus qui inceperunt in ecclesia memorata unam missam habeant unaquaque ebdomada Actum publice Pisciaco castro Signum Rotberti regis Signum Constantie regine conjugis ejus Signum Henrici Signum Rotberti Signum Manassis comitis qui hanc elemosinam perfecit Signum Hilduini comitis fratris ejus Signum filiorum ejus Manassis et Hilduini Signum Burcardi de Montemorenciaco Signum Evrardi filii Hilduini de Britogilo Signum Amalrici de Monteforti Signum Milonis de Caprosa Signum Maingonis Signum Guidonis Burgundelli Evrardus monachus scripsit ad vicem Balduini signatoris Data ii nonas februarii anno xxxv regnante Rotberto rege feliciter