Charter Document - 04740049
| Charter Number: | 04740049 |
|---|---|
| Cartulary Title: | Charters of Westminster |
| Charter Language: | English |
| Charter Origin: | Royal |
| Charter Type(s): | Writ |
| Date: | 1051 - 1066 |
| Date type: | Assigned |
| Resource Link(s): |
Anglo Saxon Charters (S 1149) eSawyer (S 1149) |
Charter:
Edward king gret Willem biscop et Leofstan et Alfsi porterefen et ealle mine burgþeygnes on Londone freondlice et ic kyðe eow þæt ic habbe geunnen Sancte Petre þam halegen apostle in to Westmunstre fulne fridom ofer ealle þa land þe lagon in to þene halgan stowe gefe se þe hi gefe et þar mide saca et socna toll et team et infangeneþeof flymene fyrmðe et gryðbrice et hamsocne et foresteall et miskenninge et sceawinge et alle oþere richte inne tid et ut of tid binnan burch et buten burch on strete et of strete swa full et swa forð swa hi me sulfen formest an honden stodon et gif eni man wille þa halegan stowe heonen forð mid lande et mid loge godian icc ann ealswa þæt hit sig staþelfast et ic nelle geþafian þæt enig mann habbe enigne onsting ofer his land ne ofer his menn ne be strandde ne be lannde buton se abbot et þa gebroðera to þas munstres neode et se þe þeas munstres fridom et þas halges wurðscipe ofer þis geeacnie geeacnie God his lif on þissere worlde et þonne he heonon faren scule God him selle ece myrhðe on heofnanrice et se þe þes hallges wrðscipe et þes munstres fridom et þene broðru note gewani God et Godes moder gewani his dawes her on werlde et þanne he heonen faren scule se is woniinge on helle grunde buton he hit þe stiðliker with God gebete Amen