Charter Document - 04740048
| Charter Number: | 04740048 |
|---|---|
| Cartulary Title: | Charters of Westminster |
| Charter Language: | English |
| Charter Origin: | Royal |
| Charter Type(s): | Writ |
| Date: | 1065 - 1066 |
| Date type: | Assigned |
| Resource Link(s): |
Anglo Saxon Charters (S 1148) eSawyer (S 1148) |
Charter:
Eadward king gret Wulsi biscop et Guirð eorll et alle mine þeingnes on Oxenfordescire freondlice et ic kiþe eow þat ic habbe gegefen Criste et Sancte Petre into Westmunstre ðet cotlif ic wæs geboran inne be naman Gihtslepe et ane healfe hide æt Mersce scotfre et gafolfreo mid eallan ðam ðingan þæ ðer to belimpað on wude et on felde on mæde et on watre mid ciricen et mid ciricsocnen swa full et swa forð et swa freo swa hit me siluan on hande stod et swa swa ælgyfu Imme min moder on minre frumbirde dæiæge to forme gyfe hit me gæf et to gecinde becwæð et ic an heom þer ofer saca et socna toll et team et infangeneþeof et blodwite et weardwite et hamsocne et forstealL griðbrice et mundbrice et ealle ða gerihte þe to me belimpað Nu grete ic wel mine leofne mæi Wigod on Wallingeforde et ic beode ðe þat ðu on minre stede beride þas land þam hælge to hande for ic nelle nateshwon geðafian þæt þær ænig mann ænige onsting habbe on ænigum þingum oððe on ænigum timan butan se abbot et þa gebroðra to þæs munstres nitwurðlicre þearfe et hwa se ðas ælmesse holdlice healde healde hine God et Godes moder on ece blisse et hwa swa hio awende sieo he awænded fram Gode to þare hellware stiþe pinnesse buton he hit on ðessere wrlde þe stiðliker gebete God eow ealle gehealde et Sancte Petres holde