Charter Document - 04740037
| Charter Number: | 04740037 |
|---|---|
| Cartulary Title: | Charters of Westminster |
| Charter Language: | English |
| Charter Origin: | Royal |
| Charter Type(s): | Writ |
| Date: | 1058 - 1066 |
| Date type: | Assigned |
| Resource Link(s): |
Anglo Saxon Charters (S 1137) eSawyer (S 1137) |
Charter:
Eadward kyng gret Stigand biscop on Wintanceastre et Wulfwold abbot on Cyrteseiæ et Leofwine eorll et Rodberd Wimarke sune stallere et Tosti huskarll et ealle mine þeignes on Suðreie symle ða ðe beoð to cumene ealsæ ða ðe nu synd freondlice et ic kyþe eow þæt ic wille ðet þæt plott landes æt Clæigate ligge nu heonon forð inn to Sancte Petre æt Westmynstre mid ælc ðere þinga þæt þarto birð ðat sind mid ðam þriddan treowwe on Kyngeswude on Ditune et mid ðam þriddan æcre et mid ælc ðere þriddan nytþerflicre note ðe ðar of ariseð on wude et on felde on læse et on æuesæ on merisce et on mæduen on weren et on wætere scotfri et gafollfri of scire et hundrede of gelde et of dænegelde et of ealles cynnes ðingæ swa full et swa forð et swa freo swa Tosti eorll et Leofrun his wif min fostermoder hit firmest ahten et ðider inn becwæðen on ece yrfðe et ic ðes fullice geuðe for minre saule et for hiere et for ealle cwiken et for ealle deaden to alesennesse et ic ann heom ðer ofer sakæ et socne toll et team infangeneðeof blodwite et weardwite hamsocne et forsteall et ealle ða oðre gerihte ðe to me belimpað God eow ealle gehealde Sancte Petres holde