Charter Document - 04740035
| Charter Number: | 04740035 |
|---|---|
| Cartulary Title: | Charters of Westminster |
| Charter Language: | English |
| Charter Origin: | Royal |
| Charter Type(s): | Writ |
| Date: | 1053 - 1066 |
| Date type: | Assigned |
| Resource Link(s): |
Anglo Saxon Charters (S 1135) eSawyer (S 1135) |
Charter:
Edward cingc gret Wulfwi biscop et Leofwin eorl et Esgar stallere et alle mine þeignas et mine holde freond on Hertfordscire freondlice Ic kiþe eow þæt ic wille et þat ic ann þat Sancte Peter et þa gebroðra on Westminstre habben þat cotlif Ægate et alc þare þinga þe þar to mid rihte gebireð mid circe et mid milne mid wude et mid felde mid lese et mid mæde et on eallun þingun swa full et swa forð swa ælwine Gottone et his wif hit firmest ahten et for here saule alesednesse into þare halgen stowe gegafan And ic ann hem eft alswa þæt hi habben þær to sace et socne toll et team infangeneþeof et flemenesfrimthe et miskenninge et ealle oðere gerihte on allun þingun þe þar up aspringeð And ic nelle nateswon geþafian þat anig man hit atbrede oððer geutie of þare halgan stowe oððer þat enig man þar anigne onstinge habbe on enigne þingan oððer on ænigne timan butan se abbot et þa gebroðera to þas minstres neode God eow gehelde et ealla þa þe sind holde into þam halgan stede Amen