Charter Document - 04740029
| Charter Number: | 04740029 |
|---|---|
| Cartulary Title: | Charters of Westminster |
| Charter Language: | English |
| Charter Origin: | Royal |
| Charter Type(s): | Writ |
| Date: | 1053 - 1066 |
| Date type: | Assigned |
| Resource Link(s): |
Anglo Saxon Charters (S 1129) eSawyer (S 1129) |
Charter:
Eadward cing gret Stigand arcebiscop et Harold eorl et Eadnoð stallere et ealle mine þeingnas et mine holde frend on Suthamptunascire freondlice et ic kiþe eow þat ic wille et þat ic anne þat Sancte Peter et þa gebroðera on Westminstre habben þat cotlif Eouereslea et alc þare þinga þe þar to mid rihte gebirað mid circe et mid milne mid wude et mid felde mid læse et mid hæþe mid waterun and mid moren et mid þare maed þat lið at Stratfelde with þare lange brigge et on eallun þingun swa full et swa forð swa hit me selfan firmest on handa stod And ic anne hem eft al swa þat hi habben þer to saka et socne tol et team infangeneþeof et flemenesfirmth et miskenninge et ealle oðere gerihtu on eallun þingun þe þer up aspringeð And ic wille et fastlice bebeode þat Payn min medwrihte et Wulnoð min huskerall et Alfric Hort et Frebeorn mine fre socne men þe þæt cotlif healdeþ þat hi henon forð mid lande et mid lese heore alc mid his dele beon on Sancte Petres gewealde et þam hirde of þam minstre hersumian et þeowian And ic nelle nateswan geþafian þat anig man atbrede oððer geutige mine gife et mine almesse þat ic habbe for minre saule alesednesse into þare halegan stowe gegifan oððer þat þer anig man anig onsting habbe on ænigne þingum oþer on anigne timan butan se abbod et þa gebroðera to þas minstres neode And ic wille et fullice hate þat þes mundbirdnesse be strang et staþelfast into þare halgen stowe a on ece yrfewerdnesse Amen