Charter Document - 04740022
| Charter Number: | 04740022 |
|---|---|
| Cartulary Title: | Charters of Westminster |
| Charter Language: | English |
| Charter Origin: | Royal |
| Charter Type(s): | Writ |
| Date: | 1045 - 1049 |
| Date type: | Assigned |
| Resource Link(s): |
Anglo Saxon Charters (S 1122) eSawyer (S 1122) |
Charter:
Eadward cingc gret Eadnoð biscop et Beorn eorl et alle mine þeignas on Hertfordscire freondlice et ic cyðe eow þæt ic habbe gegiuen Criste et Sancte Peter into Westmunstre þæt land æt Ældenham mid saca et mid socna mid tolle et mid teame et infangeneþeofe swa full et swa forð swa Sihtric eorl of þan munstre þiowlice hit hyold et ætforen gewitnesse mid halra tunge Ælfrice þam abbot et þam gebroðran up betæhte et swa swa hit stod Ordbrihte abbot on hande into þam minstre beo Offie et be Cenwulfes cinges dagum et swa swa Ædgar cinge on his gewrite þider in hit gefestnode et ic nella nateswan geþafian þæt þar ænig mann ænine onstynge þær ofer habbe on ænige þingan oððer on ænige timan buton se abbot et þa munecas to Sancte Petres neode God eow gehealde Sancte Petres holde